тағар

зат. көне. «Әскерлерді азықтүлікпен жабдықтау үшін» шаруалар мен қала тұрғындарынан алынатын заттай салық. Т а ғ а р ретінде әскерлер үшін азық-түлік қана емес, сонымен бірге салт мінетін және жүк артылатын мал үшін жем де жиналған (ҚазССР тарихы, 2, 349). Т а ғ а р д ы ң тұрақты мөлшері болмады, оны хан және басқа феодалдар белгіледі (ҚазССР тарихы, 2, 238). Хан өз бағыныштыларынан алым-салық: малшыдан – зекет, соғым, сыбаға, диқан мен қолөнершілерден – ұшыр, т а ғ а р, бада, хараж жинады (ҚҰЭ 5, 440).